لاہور: لاہور ہائی کورٹ میں وفاقی وزیرداخلہ کو کام سے روکنے اور ان کے خلاف توہین عدالت کی کارروائی کے لیے درخواست دائر کردی گئی۔
تفصیلات کےمطابق وزیرداخلہ چوہدری نثارکےخلاف توہین عدالت کی کارروائی کے لیے لاہورہائی کورٹ میں درخواست دائرکردی گئی۔
درخواست گزار نےموقف میں کہاکہ سانحہ کوئٹہ رپورٹ کےبعدوزیرداخلہ نےعدلیہ پرتنقید کی۔وزیر داخلہ کایہ عمل توہین عدالت کےزمرے میں آتاہے۔
درخواست گزار نےکہاکہ وزیرداخلہ کےکالعدم تنظیموں سے راوبط ثابت ہوچکے ہیں جس کے باعث نیشنل ایکشن پلان پر عمل درآمد نہیں ہورہا۔
درخواست گزار نے مطالبہ کیا کہ عدالت وزیر داخلہ کو کام سے روکے اور اُن کے خلاف توہین عدالت کی کارروائی کرے۔
مزید پڑھیں:کمیشن کی رپورٹ کو ہر فورم پر چیلنج کروں گا،چوہدری نثار
یاد رہے کہ تین روز قبل چوہدری نثار علی خان نے اعلان کیا تھاکہ سانحہ کوئٹہ پر سپریم کورٹ کی جانب سے تشکیل دیے گئے کمیشن کی رپورٹ کے حوالے سے ہر فورم پر آواز اٹھاؤں گا۔
وفاقی وزیرداخلہ چوہدری نثار علی خان کا کہناتھا کہ قوم کے سامنے جلد وہ باتیں بھی لائی جائیں گی جو کسی بھی رپورٹ میں شامل نہیں ہے۔
مزید پڑھیں:چوہدری نثار کی پریس کانفرنس سپریم کورٹ پر براہ راست حملہ ہے،شاہ محمودقریشی
واضح رہے کہ دو روز قبل پا کستان تحریک انصاف کےمرکزی رہنما شاہ محمود قریشی کا کہنا تھاکہ چوہدری نثارعلی خان کی پریس کانفرنس سپریم کورٹ پر براہ راست حملہ ہے۔
