پیر, فروری 17, 2025
اشتہار

توشہ خانہ فیصلے کیخلاف اپیل واپس لینے کی درخواست مقرر

اشتہار

حیرت انگیز

اسلام آباد ہائیکورٹ نے توشہ خانہ فیصلے کے خلاف اپیل واپس لینے کی درخواست کل سماعت کیلئے مقرر کر دی۔

تفصیلات کے مطابق چیئرمین پی ٹی آئی کی درخواست پر چیف جسٹس عامر فاروق سماعت کریں گے۔ رجسٹرار آفس نے اپیل واپس لینےکی درخواست اعتراضات کیساتھ سماعت کیلئےمقرر کی۔

رجسٹرارآفس کا کہنا ہے کہ اپیل واپس لینے کی درخواست پہلے بھی زیر التوا ہے نئی دائر نہیں ہو سکتی۔

چیئرمین پی ٹی آئی نے اپیل لاہور ہائیکورٹ میں زیر سماعت ہونے پر واپس لینے کی درخواست کی۔ الیکشن کمیشن نے 21 اکتوبر 2022 کو چیئرمین پی ٹی آئی کے خلاف فیصلہ سنایا تھا۔

درخواست کے مطابق الیکشن کمیشن فیصلے کیخلاف اسلام آباد ہائیکورٹ میں اپیل دائرکی گئی تھی الیکشن کمیشن نے بعدازاں نوٹس جاری کر دیا کیوں نہ پارٹی چیئرمین شپ سےبھی ہٹایاجائے الیکشن کمیشن کا پارٹی چیئرمین شپ سے ہٹانے کا نوٹس لاہور ہائیکورٹ میں چیلنج کیا۔

درخواست میں کہا گیا ہے کہ لاہور ہائیکورٹ نے چیئرمین پی ٹی آئی کی اپیل پر 5رکنی لارجر بینچ تشکیل دے دیا ہائیکورٹ میں لارجر بینچ بننے کے بعد اسلام آباد ہائیکورٹ سے اپیل واپس لینےکی درخواست دی تاہم اسلام آباد ہائیکورٹ سے اپیل واپس لینے کی درخواست پر تاحال فیصلہ نہیں ہو سکا، اپیل واپس لینےکی درخواست میں تاخیر سے بنیادی آئینی حقوق متاثرکئے جا رہے ہیں اپیل واپس لینے کی درخواست پر فیصلہ نہ کرنا درخواست خارج کرنے کے مترادف ہے استدعا ہے اپیل واپس لینے کی درخواست منظورکی جائے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں