واشنگٹن: کورونا وائرس سے بچاؤ کے لیے فیس ماسک کا استعمال عام ہوگیا ہے لیکن چشمہ لگانے والے افراد کو شیشوں پر دھند کی وجہ سے پریشانی کا سامنا کرنا پڑتا ہے۔
ماسک کی وجہ سے چشمے پر دھند آنے کے باعث دیکھنے میں دشواری پیش آتی ہے اور بار بار چشمہ اتار کر اسے صاف کرنا پڑتا ہے۔
امریکی ڈاکٹر نے سماجی رابطے کی ویب سائٹ ٹویٹر پر ماسک لگانے کے دوران چشمے پر آنے والی دھند سے پریشان افراد کو اس سے چھٹکارا پانے کا آسان حل بتادیا ہے۔
ڈاکٹر ڈینیل نے ٹویٹر پر پوسٹ شیئر کرتے ہوئے بتایا کہ ’اس مسئلے سے چھٹکارا حاصل کرنے کے لیے ماسک لگانے کے بعد آپ کو اپنی ناک پر ماسک کے اوپر ایک چوٹ پٹی (سنی پلاسٹ) کو اچھی طرح سے لگانا ہوگا۔
If you’re having a hard time with glasses fogging or keeping your mask up over your nose, a simple bandaid does wonders. Learned it in the OR.
Feel free to share, it may save lives! pic.twitter.com/RBG8JGUzFS
— Daniel M. Heiferman, MD (@DanHeifermanMD) November 12, 2020
انہوں نے بتایا کہ ماسک کے اوپر چوٹ پٹی لگانے کے بعد آپ ماسک کے ساتھ چشمہ لگائیں گے تو اس پر دھند نہیں آئے گی کیونکہ چوٹ پٹی لگانے سے ماسک بالکل پیک ہوجائے گا۔
امریکی ڈاکٹر ڈینیل کی ٹویٹ کو 68 ہزار صارفین کی جانب سے ری ٹویٹ کیا گیا اور متعدد صارفین نے آسان حل پر بتانے پر ان کا شکریہ بھی ادا کیا۔