اسلام آباد : اہم حکومتی اتحادی چیف الیکشن کمشنر کیلئے سابق چیف جسٹس قاضی فائز کے حامی نکلے تاہم سابق ججزناصر الملک ،تصدق جیلانی کے ناموں پر بھی غور ہورہا ہے۔
تفصیلات کے مطابق حکومت اور اپوزیشن نے چیف الیکشن کمشنر اور ممبران کی تقرری پر آپسی مشاورت شروع کردی۔
ذرائع نے بتایا کہ حکومت کی جانب سے سی ای سی اور ممبرز کیلئے سابق ججز یا بیوروکریٹس کے نام پر غور کیا جارہا ہے۔
ذرائع کا کہنا تھا کہ اہم حکومتی اتحادی سی ای سی کیلئے سابق چیف جسٹس قاضی فائز کے حامی ہیں۔
ذرائع نے کہا ہے کہ ن لیگ میں سابق ججز ناصر الملک اور تصدق جیلانی کے ناموں پر بھی غور ہورہا ہے تاہم ن لیگ نام فائنل کرنے کے بعد صدر زرداری اور اتحادیوں سے مشاورت کرے گی۔
پی ٹی آئی نے بھی گذشتہ روز بانی سے چند سابق بیورو کریٹس اور ججز کے نام پر مشاورت کی ، پی ٹی آئی کی جانب سے اوریا مقبول جان کے نام پر غور کیا گیا۔
رہنما پی ٹی آئی کا کہنا تھا کہ سپریم کورٹ ریٹائرڈ ججز میں سے ابھی کوئی نام فائنل نہیں ہوا۔
چیف الیکشن کمشنر کیلئے حکومت اور اپوزیشن کی جانب سے 3 ،3 نام دیئے جائیں گے۔
