The news is by your side.

چہلم امام حسین ؓ پر فوج اور سول آرمڈ فورسز تعیناتی کی منظوری

وفاقی حکومت نے چہلم امام حسین ؓ پر ملک بھر میں پاک فوج اور سول آرمڈ فورسز تعیناتی کی منظوری دے دی۔

وفاقی حکومت نے ملک بھر میں سیکیورٹی کیلئے فورسز کی تعیناتی کا نوٹیفکیشن جاری کر دیا ہے۔ حکومت نےجی بی، آزادکشمیر اور چاروں صوبوں کیلئے پاک فوج کی خدمات کی منظوری دے دی ہے۔

سکیورٹی صورتحال مانیٹر کرنے کیلئے وزارت داخلہ میں سینٹرل کنٹرول روم قائم کیا گیا ہے۔ وزیر داخلہ کا کہنا ہے کہ چہلم کے موقع پرفوج، سول حکومت کی مدد کیلئے سیکیورٹی فرائض انجام دے گی۔

انہوں نے کہا کہ پاک فوج کیساتھ رینجرز، ایف سی اور دیگر فورسز بھی خدمات انجام دیں گی پاک فوج کےجوان پہلے ہی سیلاب متاثرین کی مدد،بحالی کےکاموں پرمامور ہیں پاک فوج سیلاب ڈیوٹی کیساتھ ساتھ چہلم کی سیکیورٹی کیلئے بھی خدمات دےگی۔

راناثنااللہ کا کہنا ہے کہ چہلم امام حسینؓ پر امن وامان برقرار رکھنے کیلئے تمام فورسز کا استعمال کیا جائے گا، اس کے ساتھ ساتھ جلوس کے راستوں اور امام بارگاہوں کی سیکیورٹی کیلئےخصوصی اقدامات کئےجائیں گے۔

Comments

یہ بھی پڑھیں