لاہور: سانحہ آرمی پبلک اسکول پر ہر آنکھ آشکبار ہے، قومی کرکٹرز بھی افسردہ ہیں، کھلاڑیوں نےبھی سانحے میں شہید ہونے والے معصوم بچوں کو خراج تحسین پیش کیا ہے.
سانحہ پشاور نے پوری قوم کو متحد کردیا، ہرشعبے سے تعلق رکھنے والے افراد شہدا کو اپنے اپنے انداز میں خراج عقیدت پیش کررہے ہیں، قومی کرکٹرز بھی شہید بچوں کے والدین کے غم میں برابر کے شریک ہیں۔
ٹی ٹونٹی کے کپتان شاہد آفریدی نے اپنے ٹوئٹر پیغام میں کہا کہ”بچوں کی شہادت ہمارے دلوں میں تازہ ہے، اس واقعے نے پوری قوم کو یکجا کیا یہ عزم اور حوصلے کی حقیقی شکل ہے.
R children's martyrdom is engraved in r hearts.it brought d whole nation on a single platform.a true exhibition of courage&determination#APS
— Shahid Afridi (@SAfridiOfficial) December 16, 2015
۔
سابق کپتان اور باؤلر وسیم اکرم نے ٹوئیٹر پر اپنے پیغام میں کہا کہ”16 دسمبر ہمیشہ آتا جاتا رہے گا لیکن اس دن کی بھیانک یاد ہمیشہ ہمیں جنجھوڑتی رہے گی، ان تمام شہدا کے لیے دعا کرنا چاہیے”۔
اوپننگ بیٹسمین محمد حفیظ نے شہداء کو سلام پیش کرتے ہوئے کہا کہ ہم انھیں ہمیشہ یاد رکھیں گے۔
Martyrs & survivors of APS Love u,Miss u & wil b remembered always..Pakistan Zindabad
— Mohammad Hafeez (@MHafeez22) December 16, 2015
عمر اکمل کا کہنا ہے کہ بزدلانہ کارروائی کے بعد پوری قوم ایک ہوگئی، یہ جذبہ قابل تعریف ہے۔
محمد رضوان کا کہنا ہے کہ دہشت گردوں نے والدین کے حوصلے پست نہیں کئے بلکہ وہ اور بھی مضبوط ہوگئے، سانحہ پشاور کو تین سو پینسٹھ دن بیت گئے اور ہر گزرتے دن نے قوم کے جذبے کو مزید بلند کیا ہے۔
