The news is by your side.

Advertisement

قومی کرکٹرز کا سانحہ پشاور میں شہید بچوں کو خراج تحسین پیش

لاہور: سانحہ آرمی پبلک اسکول پر ہر آنکھ آشکبار ہے، قومی کرکٹرز بھی افسردہ ہیں، کھلاڑیوں نےبھی سانحے میں شہید ہونے والے معصوم بچوں کو خراج تحسین پیش کیا ہے.

سانحہ پشاور نے پوری قوم کو متحد کردیا، ہرشعبے سے تعلق رکھنے والے افراد شہدا کو اپنے اپنے انداز میں خراج عقیدت پیش کررہے ہیں، قومی کرکٹرز بھی شہید بچوں کے والدین کے غم میں برابر کے شریک ہیں۔

ٹی ٹونٹی کے کپتان شاہد آفریدی نے اپنے ٹوئٹر پیغام میں کہا کہ”بچوں کی شہادت ہمارے دلوں میں تازہ ہے، اس واقعے نے پوری قوم کو یکجا کیا یہ عزم اور حوصلے کی حقیقی شکل ہے.

۔

سابق کپتان اور باؤلر وسیم اکرم نے ٹوئیٹر پر اپنے پیغام میں کہا کہ”16 دسمبر ہمیشہ آتا جاتا رہے گا لیکن اس دن کی بھیانک یاد ہمیشہ ہمیں جنجھوڑتی رہے گی، ان تمام شہدا کے لیے دعا کرنا چاہیے”۔

اوپننگ بیٹسمین محمد حفیظ نے شہداء کو سلام پیش کرتے ہوئے کہا کہ ہم انھیں ہمیشہ یاد رکھیں گے۔

عمر اکمل کا کہنا ہے کہ بزدلانہ کارروائی کے بعد پوری قوم ایک ہوگئی، یہ جذبہ قابل تعریف ہے۔

محمد رضوان کا کہنا ہے کہ دہشت گردوں نے والدین کے حوصلے پست نہیں کئے بلکہ وہ اور بھی مضبوط ہوگئے، سانحہ پشاور کو تین سو پینسٹھ دن بیت گئے اور ہر گزرتے دن نے قوم کے جذبے کو مزید بلند کیا ہے۔

Print Friendly, PDF & Email

Comments

comments

یہ بھی پڑھیں