بھارت کے معروف موسیقار اے آر رحمان ریاض مین لائیو کانسرٹ پیش کریں گے۔ اس کا باضابطہ اعلان ریاض کے کراؤن پلازہ ہوٹل میں منعقدہ ایک پریس کانفرنس میں کیا گیا۔
رپورٹس کے مطابق اے آر رحمان پہلی بار ریاض میں اپنی آواز کا جادو جگائیں گے، کانسرٹ 21 فروری کو منعقد کیا جائے گا، عوام کے پسندیدہ گانوں کے انتخاب کے لیے آن لائن پول کرانے کا فیصلہ کیا گیا ہے۔
معروف موسیقار اسٹیج پر لائیو پرفارم کرنے کے لیے عوامی رائے کی بنیاد پر 30 بہترین گانوں کا انتخاب کریں گے۔
پریس کانفرنس کے دوران کہا گیا کہ معروف موسیقار اپنے مقبول نمبروں کے علاوہ ریاض کے عربی بولنے والے سامعین کے لیے کچھ خصوصی آئٹمز بھی تیار کریں گے۔
انہوں نے کہا کہ پہلے سعودی عرب کے موسیقی کے دلدادہ ان کے لائیو شو میں شرکت کے لیے دبئی جاتے تھے۔ لیکن اب وہ مملکت کے موسیقی کے شائقین کی تفریح کے لیے خود ریاض پہنچ رہے ہیں۔
لائیو شو کی تشہیر ابھیشیک فلمز اور وائٹ نائٹس کے ذریعے کی جائے گی، جس کا اہتمام ویژولائز ایونٹس کے ذریعے کیا جائے گا، اور ای آر ایونٹس اور اے ایس ای ٹی ٹی کے ذریعے تعاون کیا جائے گا۔
معروف موسیقار کے لائیو شو کے بارے میں تمام تفصیلات، معلومات اور اپ ڈیٹس www.arrliveinriyadh.com پر دستیاب ہوں گی۔ اس سائٹ پر اگلے ہفتے سے مختلف کیٹیگریز کے ٹکٹ دستیاب ہوں گے۔
کیا سیف علی خان پر حملہ مودی نے کرایا؟ اہم انکشاف
رپورٹس کے مطابق یہ کنسرٹ ریاض کے ثقافتی کیلنڈر کا ایک یادگار پروگرام بنے گا، تقریب 21 فروری 2025 کو جبل اجیاد روڈ، دحیات نمر، ریاض پر واقع دیراب پارک میں منعقد ہوگی۔
