دنیا بھر میں مقبول بالی وڈ گلوکار اے آر رحمان کو غیر ملکی خاتون مداح نے اپنے انداز میں ’ماں تجھے سلام‘سناکر گلوکار کو حیران کردیا۔
موسیقی کے ماہر اے آر رحمان حال ہی میں بیرون ملک ایک مداح خاتون سے ملے، خاتون نے انہیں اپنا آئیڈیل کہا اور گلوکار سے پوچھا کہ کیا وہ ان کے لیے کوئی گانا گا سکتی ہیں۔
فوٹو اینڈ شیئرنگ ایپ انسٹاگرام پر ویڈیو میں دیکھا جاسکتا ہے کہ خاتون مداح سڑک پر گٹار بجاتے ہوئے اے آر رحمان کا مقبول گانا ’’ماں تجھے سلام گا رہی ہیں‘‘۔
View this post on Instagram
ویڈیو میں دیکھا جاسکتا ہے کہ اے آر رحمان نے خاتون کو پہلے حیرت سے دیکھا اور پھر اپنی گاڑی کی کھڑکی سے اپنے سیل فون پر ویڈیو ریکارڈ کی۔
موسیقی کے ماہر اے آر رحمان نے اس ویڈیو کو اپنے انسٹاگرام اسٹوریز پر بھی شیئر کیا، اس ویڈیو پر انسٹاگرام صارف نے لکھا کہ ’اس نے بہت اچھا گایا ہے، یہ ایک حیرت انگیز کارکردگی ہے‘۔
واضح رہے گلوکار اے آر رحمان کے مشہور گانوں میں ‘ماں تجھے سلام’، ‘رانجھنا’، ‘جشن بہارا’ سمیت دیگر گانے شامل ہیں، جبکہ انہوں نے حال ہی میں بالی وڈ فلم ‘پیپا’ کا مشہور ہونے والا گانا ‘میں پروانہ’ کی بھی کمپوزنگ کی ہے جسے گلوکار ارجیت سنگھ نے گایا ہے۔
