ممبئی: شہرہ آفاق بھارتی موسیقار اے آر رحمان کی بیٹی کے برقع پہننے پر تنقید کرنے والی متنازع مصنفہ کو منہ کی کھانا پڑگئی، خدیجہ نے بھرپور جواب دے کر منہ بند کروا دیا۔
تفصیلات کے مطابق سماجی رابطے کی ویب سائٹ ٹوئٹر پر خدیجہ نے مصنفہ تسلیمہ نسرین کی تنقید کا کرارا جواب دیا۔ اے آر رحمان کی بیٹی کا کہنا تھا کہ اگر آپ کو میرے پہناوے سے گھٹن ہوتی ہے تو باہر جاکر ٹھنڈی ہوا لیجیئے۔
انہوں نے کہا کہ مجھے میرے فیصلوں پر فخر ہے، میرے اہل خانہ کو اس معاملے پر گھسیٹنا درست نہیں اور نہ میں نے اپنی تصویر آپ کو تبصرے کے لیے بھیجی تھی۔ خدیجہ نے تنقید کرنے والوں کر خبردار بھی کردیا۔
I absolutely love A R Rahman's music. But whenever i see his dear daughter, i feel suffocated. It is really depressing to learn that even educated women in a cultural family can get brainwashed very easily! pic.twitter.com/73WoX0Q0n9
— taslima nasreen (@taslimanasreen) February 11, 2020
خیال رہے کہ اے آر رحمان کی بیٹی خدیجہ عوامی مقامات پر ہر وقت باحجاب رہتی ہیں، اس سے قبل بھی انہیں کئی بار تنقید کا نشانہ بنایا جاچکا ہے جس پر وہ پیچھے نہیں ہٹیں۔
یاد رہے کہ گزشتہ برس بھی خدیجہ رحمان کے پردہ کرنے پر اعتراضات اُٹھانے والوں کو موسیقار اے آر رحمان نے جواب دیتے ہوئے کہا تھا کہ میں اپنے بچوں کے فیصلوں کا احترام کرتا ہوں کسی کو اعتراض کا کوئی حق نہیں پہنچتا۔
