The news is by your side.

Advertisement

عرب اتحادی فوج نے حوثی باغیوں کا ڈرون مار گرایا

ریاض: عرب اتحادی فورسز نے ایک بار پھر یمن سے اڑنے والا حوثی باغیوں کا ڈرون طیارہ مار گرایا۔

عرب میڈیا کی رپورٹ کے مطابق یمن کے باغی دہشت گرد ڈرون طیارے کے ذریعے سعودی عرب کو نشانہ بنانا چاہتے تھے لیکن عرب اتحادی فورسز نے دشمن کے ناپاک عزائم خاک میں ملا دیے۔

رپورٹ کے مطابق اتحادی فوج کے ترجمان ترکی المالکی کا کہنا ہے کہ سعودی عرب کے جنوبی حصے میں ڈرون کو فضا میں ہی تباہ کردیا جس کے باعث علاقہ دہشت گردوں کے حملے سے بچ گیا۔

تباہ شدہ ڈرون کی باقیات زمین پر گرنے سے بھی کوئی جانی نقصان نہیں ہوا۔

حوثی باغیوں کا ایک اور ڈرون حملہ ناکام ہوگیا، سعودی اتحادی افواج

یاد رہے کہ گزشتہ ہفتے ترجمان کرنل ترکی المالکی نے بتایا تھا کہ ایرانی حمایت یافتہ حوثی ملیشیا نے صنعاء سے ایک بمبار ڈرون فضاء میں چھوڑا جو 35 کلو میٹر کی دوری کے بعد عمران گورنری میں شہریوں پرجا گرا۔

انہوں نے یہ بھی کہا تھا کہ حوثی ملیشیا شہریوں پر حملوں کی دہشت گردانہ سازشیں جاری رکھے ہوئے ہے، حوثی دہشت گرد ذرائع ابلاغ کے ساتھ ساتھ دیگر آلات اور حربوں کو بھی شہری آبادی پرحملوں کے لیے استعمال کرتے ہیں۔

Comments

یہ بھی پڑھیں