بالی وڈ اداکار ارباز خان کی دوسری شادی کے بعد مشہور رقاصہ اور ان کی پہلی اہلیہ ملائیکہ اروڑا کو ایک اور دھچکا مل گیا۔
رپورٹس کے مطابق بھارتی فلم انڈسٹری کے اداکار اور فلمساز ارباز خان نے شوریٰ خان سے شادی کے بعد اپنی سابق اہلیہ ملائیکہ اروڑا کو انسٹاگرام پر ان فالو کر دیا ہے۔ اس بات کی تصدیق نہیں ہوسکی کہ ارباز نے ایسا خود کیا یا شوریٰ کے دباؤ پر مذکورہ فیصلہ کیا ہے۔
خیال رہے کہ 1998 میں ارباز نے ملائیکہ سے شادی کی تھی۔ یہ شادی تقریباً 19 سال تکی چلی اور 2017 میں دونوں کے درمیان باقاعدہ طلاق ہوگئی تھی۔ سابق بالی وڈ جوڑے کا ایک بیٹا ارہان خان ہے۔
بعد ازاں ملائیکہ اروڑا نے اپنے سے 12 برس چھوٹے بالی ووڈ اداکار ارجن کپور سے تعلقات استوار کرلیے تھے اور دنوں اکثر ایک ساتھ دیکھے جاتے تھے۔
ارباز خان نے اب زندگی کی نئی شروعات کرتے ہوئے اپنی طلاق کے چھ برس بعد گزشتہ ماہ میک اپ آرٹسٹ شوریٰ خان سے شادی کرلی ہے۔
واضح رہے کہ اپنی شادی کی تصاویر ارباز خان نے خود سوشل میڈیا پر شیئر کی تھیں جس میں دبنگ خان، والد سلیم خان، ارباز کے بیٹے ارہان خان اور دیگر رشتہ دار بھی موجود تھے۔ 56 سالہ ارباز اپنی شادی پر کافی خوش نظر آئے تھے۔
