بھارتی میڈیا انڈسٹری کی مقبول اداکارہ و ہوسٹ ارچنا پورن سنگھ فلم کی شوٹنگ کے دوران حادثے میں زخمی ہو گئیں۔
ارچنا پورن سنگھ نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی جس میں انہوں نے بتایا ہے کہ ان کے ہاتھ میں فریکچر ہو گیا ہے۔
انسٹاگرام پر شیئر کی گئی مختصر ویڈیو میں ادکارہ کے ساتھ شوٹنگ کے دوران پیش آنے والے حادثے کی جھلکیاں موجود ہیں، ویڈیو میں دیکھا جاسکتا ہے کہ جیسے ہی شوٹنگ شروع ہوتی ہے اداکارہ کی چیخنے کی آواز آتی ہے۔
View this post on Instagram
ویڈیو میں دیکھا جاسکتا ہے کہ اسپتال میں داخل ہونے کے بعد ارچنا کے بیٹے آیوشمان سیٹھی نے اپنے بھائی آریامان سیٹھی کو ان کی سرجری کی اطلاع دی، جس پر آریامان اپنی والدہ کی خیریت کے بارے میں فکر مند ہو کر رونے لگے۔
انسٹاگرام پوسٹ ویڈیو کے کیپشن میں ارچنا نے لکھا ہے کہ جو ہوتا ہے اچھے کے لیے ہوتا ہے، میں یقین کرنے کی کوشش کر رہی ہوں کہ میں بالکل ٹھیک ہوں اور ہمیشہ کی طرح مثبت ہوں، بس ایک ہاتھ سے کام کرنے میں کتنی مشکل ہوتی ہے یہ اب پتہ چل رہا ہے۔
مکمل ویڈیو میں ادکارہ ارچنا پورن سنگھ نے بتایا کہ گزشتہ دنوں وہ اداکار راج کمار راؤ کے ساتھ اپنی آنے والی فلم کی شوٹنگ کے دوران سیٹ پر زخمی ہوئیں، اس دوران ان کی کلائی ٹوٹ گئی جس کے بعد انہیں فوری طور پر ممبئی میں اسپتال لے جایا گیا، جہاں ان کی سرجری کی گئی۔
