وزیر خزانہ اسحاق ڈار نے اسمبلیوں کی مدت میں توسیع کی اطلاعات کو افواہ قرار دے دیا۔
وزیرخزانہ اسحاق ڈار نے پارلیمنٹ ہاؤس میں صحافیوں سے موجودہ سیاسی و سیکورٹی صورتحال پر گفتگو کی۔ صحافی نے پوچھا کہ اسمبلیوں کی مدت میں توسیع سے متعلق قیاس آرائیاں ہو رہی ہیں جس پر آپ کیا کہیں گے؟
اسحاق ڈار نے کہا کہ ایسی کوئی بات نہیں ہے یہ صرف افواہیں ہیں۔
ماضی میں دہشت گردی کے خلاف تمام آپریشنز اپنے ۔ملکی وسائل سے کئے۔۔۔
پشاور سانحے پر پوری قوم انتہائی دل رنجیدہ ہے۔۔
ہم خیبر پختونخوا کے عوام اور حکومت کے ساتھ کھڑے ہیں۔۔ pic.twitter.com/SRMupGLXbh
— PTV News (@PTVNewsOfficial) January 30, 2023
پشاور کی پولیس لائنز میں ہونے والے دھماکے پر ان کا کہنا تھا کہ دہشت گردی کے ناسور پر مل کر ہی قابو پایا جا سکتا ہے پہلےبھی پاکستان نےدہشت گردی کیخلاف کامیاب آپریشنز کئے ماضی میں دہشت گردی کےخلاف تمام آپریشنز ملکی وسائل سےکیے۔
اسحاق ڈار کا کہنا تھا کہ پشاور سانحے پر پوری قوم انتہائی رنجیدہ ہے ہم خیبرپختونخوا کےعوام اورحکومت کے ساتھ کھڑے ہیں۔