تازہ ترین

فیض آباد دھرنا : انکوائری کمیشن نے فیض حمید کو کلین چٹ دے دی

پشاور : فیض آباد دھرنا انکوائری کمیشن کی رپورٹ...

حکومت نے پیٹرولیم مصنوعات کی قیمتوں میں اضافہ کردیا

حکومت کی جانب سے پیٹرولیم مصنوعات کی نئی قیمتوں...

سعودی وزیر خارجہ کی قیادت میں اعلیٰ سطح کا وفد پاکستان پہنچ گیا

اسلام آباد: سعودی وزیر خارجہ شہزادہ فیصل بن فرحان...

حکومت کل سے پٹرول مزید کتنا مہنگا کرنے جارہی ہے؟ عوام کے لئے بڑی خبر

راولپنڈی : پیٹرول کی قیمت میں اضافے کا امکان...

نئے قرض کیلئے مذاکرات، آئی ایم ایف نے پاکستان کے لیے خطرے کی گھنٹی بجادی

واشنگٹن : آئی ایم ایف کی منیجنگ ڈائریکٹر کرسٹیلینا...

کیا عید اسپیشل ٹرینوں کے کرائے کم ہو رہے ہیں؟

چیف ایگزیکٹو افسر ریلوے عامر بلوچ نے کہا ہے کہ عید پر اسپیشل ٹرینوں کےکرایوں میں کمی پرغور کریں گے۔

کراچی، لاہور، پشاور اور کوئٹہ کے مسافروں کے لیے عید پر چار اسپیشل ٹرینیں چلائی جائیں گی۔ ریلوے حکام کی جانب سے جاری نوٹیفیکشن کے مطابق کراچی سے مسافروں کے لیے 2 اسپیشل ٹرین چلائی جائیں گی، 17 بوگیوں پر مشتمل پہلی عید اسپیشل ٹرین کراچی سے پشاور جائے گی۔

اکانومی کلاس پر مشتمل پہلی عید اسپیشل ٹرین 7 اپریل کو کراچی کینٹ اسٹیشن سے پشاور کے لیے شام کو روانہ ہوگی، جب کہ 18 بوگیوں پر مشتمل دوسری عید اسپیشل ٹرین کراچی سے لاہور جائے گی۔ اس ٹرین میں 2 بزنس کلاس اور 2 لوئر اے سی کلاس ہوں گی۔

چار میں دو اسپیشل ٹرینیں لاہور اور کوئٹہ سے بھی چلائی جائیں گی۔

چیف ایگزیکٹو افسر ریلوے نے کہا کہ تنخواہوں میں تاخیر کا خاتمہ کر دیا ہے اور گریجویٹی، پنشن کی جلد ادائیگی پر توجہ دیں گے۔

عامر بلوچ نے بتایا کہ زکریا ایکسپریس میں پریمیم لاوٴنج ڈائننگ کار کو بہت پذیرائی ملی، پریمیم ڈائننگ کار جلد تیزگام اور ہزارہ ایکسپریس میں بھی لگا رہے ہیں، چھوٹے پلیٹ فارمز کو مرحلہ وار اپ گریڈ کر رہے ہیں جب کہ دیگر ٹرینوں کو گرین لائن کی طرز پر اپگریڈ کرنے میں وقت لگےگا۔

Comments

- Advertisement -