اداکارہ و ماڈل اریبہ حبیب نے دیوالی کا جشن منانے پر تنقید کے کہا کہ لوگ اقلیتوں سے متعلق رواداری کا مظاہرہ کریں۔
اے آر وائی ڈٰیجیٹل کے ڈرامہ سیریل ’جلن‘ میں مرکزی کردار نبھانے والی اداکارہ اریبہ حبیب نے حال ہی میں اشنا شاہ کے شو میں شرکت کی اور دیوالی پارٹی کی تقریبات کی تصاویر پر سوشل میڈیا کی جانے والی تنقید سے متعلق اظہار خیال کیا۔
اریبہ نے کہا کہ ہم ایسے ملک میں رہتے ہیں جہاں بہت سے لوگ ہیں بشمول عیسائی، ہندو جو ہمارے ساتھ تہوار پر جشن مناتے ہیں، دیپک پروانی ہماری افطار پارٹیوں میں شرکت کرتے ہیں چاہے وہ روزنہ نہیں رکھتے ہیں۔
انہوں نے کہا کہ ہم ان کی خوشی میں شامل ہونے جارہے ہیں کیونکہ ان کے یہاں بہت زیادہ خاندان نہٰں ہیں، وہ اپنی برادریوں سے دور ہیں اور ان کا گھر اب پاکستان ہی ہے، میں اپنے عیسائی مذہب سے تعلق رکھنے والے عملے کے ساتھ کرسمس مناتی ہیں اور کرسمس ٹری بھی لگاتی ہیں۔
اریبہ حبیب نے کہا کہ میں الحمدللہ مسلمان ہوں لیکن ہم بھی انسان ہیں، ہم یہ نہیں کہہ رہے ہیں کہ آپ عیسائی یا کوئی دوسرا مذہب اختیار کرلیں لیکن ان کی خوشی کے لمحات میں حصہ بننے میں کوئی مضائقہ نہیں ہے۔
اداکارہ نے والدین کو مخاطب کرتے ہوئے کہا کہ وہ بچوں کو رواداری کا یہ سبق لازمی سکھائیں۔
اریبہ حبیب نے بتایا کہ انہوں نے زمانہ طالب علمی سے ماڈلنگ کا آغاز کیا، جب وہ اسکول میں پڑھتی تھیں تب انہوں نے ماڈلنگ کے لیے آڈیشن دیا اور انہیں منتخب کرلیا گیا۔
انہوں نے کہا کہ اسکول میں پڑھنے کی وجہ سے ان کی والدہ نے مخالفت کی لیکن ان کے والد نے انہیں ماڈلنگ کرنے کی اجازت دی اور یوں ہی ان کا کیریئر شروع ہوا۔
اریبہ حبیب نے اداکاری کے مقابلے میں ماڈلنگ کو بہتر قرار دیا اور کہا کہ اداکاری کرنے کے بعد مداح ہر اداکارہ کو بہو، بہن اور بیوی کے روپ میں دیکھنا پسند کرتے ہیں، پھر ماڈلنگ کریں تو تنقید ہوتی ہے۔
