The news is by your side.

Advertisement

وفاق کراچی کی ترقی کے لئے ہرممکن تعاون جاری رکھے گا: صدر پاکستان

کراچی: صدرپاکستان عارف علوی کی زیر صدارت اجلاس ہوا، جس میں گورنر سندھ عمران اسماعیل، وفاقی وزیر فہمیدہ مرزا اور دیگرافسران نے شرکت کی.

اس موقع پر صدر پاکستان نے کہا کہ گرین لائن، کے فائیو، انفرا اسٹرکچر، فائر فائٹنگ اسکیمیں خصوصی اہمیت کی حامل ہیں، صدر نے کہا کہ وفاق شہر کی ترقی کے لئے ہرممکن تعاون جاری رکھے گا.

معاشی شہ رگ کراچی کی ترقی دراصل پاکستان کی ترقی ہے

گورنر سندھ عمران اسماعیل

اس موقع پر گورنرعمران اسماعیل نے کہا کہ معاشی شہ رگ کراچی کی ترقی دراصل پاکستان کی ترقی ہے.

انھوں نے کہا کہ گرین لائن بی آرٹی ایس کا پہلا فیز ایک بلین روپے کی بچت سے مکمل کیا گیا، ایس آئی ڈی سی ایل کے تحت انفرا اسٹرکچر بحالی کی 3 اسکیمیں شامل ہیں.

گورنر سندھ کا کہنا تھا کہ رواں مالی سال میں 50 فائر ٹینڈرز، دو واٹر باؤزر خریدیں جائیں گے، سندھ کے 13 اضلاع کی مختلف ترقیاتی اسکیموں کے لئے5 بلین مختص کیے گئے ہیں.

مزید پڑھیں: پاکستان تاریخی مقام پر کھڑا ہے، کراچی میں ظلم کا خاتمہ ہوگا، مصطفیٰ کمال

گورنر سندھ کا کہنا تھا کہ قدرتی آفات سے نمٹنے کے لئے رواں سال300 ملین کی مختص کی گئی ہے، این ڈی ایم اے700ملین کی گرانٹ رزک مینجمنٹ فنڈ میں دے گا.

خیال رہے کہ وفاق اور سندھ حکومت کے اختلافات کی وجہ سے کراچی ترقی منصوبے جمود کا شکار ہوگئے ہیں، اس ضمن میں‌ حکومت کی اتحادی جماعت کی جانب سے آواز بھی اٹھائی گئی.

Aijaz, 8:19 PM

Comments

comments

یہ بھی پڑھیں