کراچی: سندھ ہائی کورٹ نے سابق صدر ڈاکٹر عارف علوی کی 20 دن کے لیے حفاظتی ضمانت منظور کر لی۔
تفصیلات کے مطابق سابق صدر پاکستان ڈاکٹر عارف علوی نے حفاظتی ضمانت کے لیے سندھ ہائیکورٹ سے رجوع کیا تھا، عدالت نے ان کی 20 دن کے لیے حفاظتی ضمانت منظور کر لی۔
عدالت نے عارف علوی کی ضمانت تین مقدمات میں منظور کی ہے، وکیل درخواست گزار نے عدالت کو بتایا تھا کہ عارف علوی کے خلاف میانوالی، ٹیکسلا اور راولپنڈی میں مقدمات درج ہیں، یہ مقدمات دہشت گردی ایکٹ سمیت سنگین دفعات کے تحت درج کیے گئے۔
- Advertisement -
عدالت نے ڈاکٹر عارف علوی کو 50 ہزار روپے کے مچلکے جمع کرانے کا حکم دیا، اور کہا کہ کیس کی مزید سماعت کے لیے معاملہ آئینی بینچ کو بھیجا جا رہا ہے۔
