دادو : تحریک انصاف سندھ کے صدر عارف علوی نے کہا ہے کہ بلدیاتی انتخابات کے دوسرے مرحلے میں پولنگ اسٹیشنز پر فوج تعینات کی جائے۔
ان خیالات کا اظہار انہوں نے دادو میں اے آروائی نیوز سے بات چیت کرتے ہوئے کیا ، انہوں نے کہا کہ بلدیاتی انتخابات کے پہلے مرحلے میں درازہ میں بارہ افراد کی شہادت کے بعد ہم مطالبہ کرتے ہیں کہ دوسرے مرحلے میں انتخابات پر پولنگ اسٹیشنوں پر فوج اور رینجرز کو مقرر کیا جائے۔
پیپلزپارٹی والے اپنے امیدواروں کو کامیاب کرانے کیلئے سرکاری ملازمین کو دھمکارہے ہیں، انہوں نے کہا کہ شرم کی بات ہے کہ خیرپور میں وزیر اعلیٰ سندھ کی بیٹی جعلی ووٹ بھگتا رہی تھی۔
- Advertisement -
انہوں نے کہا کہ ہم منصفانہ انتخابات چاہتے ہیں تو فوج اور رینجرز کو مقررکرنا ضروری ہے۔
