The news is by your side.

Advertisement

فزکس کےعلم میں انسان کے لیے سیکھنے کو بہت کچھ ہے، عارف علوی

اسلام آباد: صدر مملکت ڈاکٹرعارف علوی کا کہنا ہے کہ انسانی وسائل کی ترقی پر بھی بھرپورتوجہ دینے کی ضرورت ہے۔

تفصیلات کے مطابق انٹرنیشنل نتھیاگلی سمرکالج تقریب سے صدر پاکستان ڈاکٹر عارف علوی نے خطاب کرتے ہوئے کہا کہ سائنس اینڈ ٹیکنالوجی میں تحقیق انتہائی اہم ہے۔

ڈاکٹرعارف علوی نے کہا کہ تحقیق سے سیکھنے کا عمل مکمل ہوتا ہے، فزکس کےعلم میں انسان کے لیے سیکھنے کو بہت کچھ ہے۔

انہوں نے کہا کہ توانائی اورصحت کے شعبے میں استعداد کار بڑٖھانے کی ضرورت ہے، توانائی کے حصول کے لیے متبادل ذرائع کا استعمال ضروری ہے۔

صدر مملکت ڈاکٹر عارف علوی نے کہا کہ انسانی وسائل کی ترقی پربھی بھرپورتوجہ دینے کی ضرورت ہے، مصنوعی ذہانت کا شعبہ روزگار کے مواقع فراہم کرتا ہے۔

فواد چوہدری نے ٹیکنالوجی یا کاروبارکا آئیڈیا رکھنے والوں کو خوشخبری سنا دی

یاد رہے کہ رواں سال 15 مئی کو فواد چوہدری کا کہنا تھا کہ اگر کسی کے پاس ٹیکنالوجی یا کاروبارکا آئیڈیا ہے تو جولائی میں اپنا آئیڈیا وزارت سائنس و ٹیکنالوجی میں رجسٹرکروائیں، ماہرین آئیڈیا سے متاثر ہوئے تو ستر سے سو فیصد تک سرمایہ دیں گے۔

اس سے قبل فواد چوہدری کا کہنا تھا پاکستان کا پہلا سائنس میلہ اگست میں اسلام آبادمیں ہوگا، سائنس میلے کے لیے انٹرویز یکم جولائی سے لی جائیں گی، اگرآپ نے کچھ مختلف اورنیا کیا ہے، جوآپ پاکستان کو دکھانا چاہتے ہیں توتیارہوجائیں۔

Comments

یہ بھی پڑھیں