عارف والا: پاکپتن کے شہر عارف والا میں ڈی ایس پی پٹرولنگ کے گھر میں ڈکیتی کی ایک بڑی واردات ہوئی ہے۔
تفصیلات کے مطابق سابق صوبائی وزیر خوراک اور سابق ڈی آئی جی کے بھتیجے ڈی ایس پی پٹرولنگ ٹکا سجاد خان اور بزنس مین ٹکا فرید خان کے گھر میں بڑی ڈکیتی کی گئی ہے۔
ڈکیتی کے دوران 5 مسلح ڈاکو اہل خانہ کو یرغمال بنا کر 100 تولہ طلائی زیورات، اور 80 لاکھ روپے لوٹ کر فرار ہو گئے۔
- Advertisement -
پولیس کے مطابق مسلح ڈاکو گھر کی دیواریں پھلانگ کر رات کی تاریکی کا فائدہ اٹھاتے ہوئے گھر میں داخل ہوئے تھے، اور ڈیڑھ گھنٹہ گھر والوں کو یرغمال بنائے رکھا۔
پولیس حکام کا کہنا ہے کہ ڈکیتی کرنے والے ملزمان کی گرفتاری کے لیے اقدامات کیے شروع کر دیے گئے ہیں، پولیس عملے نے جائے واردات سے ثبوت بھی اکھٹے کیے، حکام کے مطابق ملزمان کو جلد قانون کے شکنجے میں لایا جائے گا۔
