اتوار, مئی 26, 2024
اشتہار

جن نکالنے کے نام پرتشدد، جعلی عامل نے نوجوان کو مار ڈالا

اشتہار

حیرت انگیز

بہاولنگر میں جعلی عامل نے جن نکالنے کے نام پر تشدد کرکے نوجوان کی جان لے لی۔

اے آر وائی نیوز کے مطابق پولیس کا کہنا ہے کہ علاقہ کھائی بودلہ میں ملزم اظہراور اس کے چیلوں نے نوجوان پر بہیمانہ تشدد کیا۔

پولیس کے مطابق ملزم اظہر اور اس کے چیلوں کے تشدد سے ذوالقرنین نامی نوجوان زندگی کی بازی ہار گیا، پولیس نے مقدمہ درج کرکے ملزمان کی گرفتاری کیلئے کارروائی شروع کردی۔

- Advertisement -

اس سے قبل پیش آئے ایک واقعے میں پنجاب کے ضلع چنیوٹ میں جعلی عامل نے خاتون کو زیادتی کا نشانہ بنا ڈالا۔

اے آر وائی نیوز کی رپورٹ کے مطابق چنیوٹ میں تعویز دینے کے بہانے خاتون کو مبینہ طور پر زیادتی کا نشانہ بنا ڈالا، کلری کے رہائشی عامل احمد علی کی نازیبا ویڈیو وائرل ہوگئی۔

سکھر میں 7 سالہ بچی کا معمر شخص سے نکاح کروانے کی کوشش

ذرائع کا کہنا ہے کہ خاتون مبینہ طور پر جعلی عامل احمد علی سے تعویز لینے گئی تھی، تعویز کے بہانے عامل نے خاتون کو زیادتی کا نشانہ بنایا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں