کراچی : مصطفیٰ عامر قتل کیس کے ملزم ارمغان کو ایک اور کیس میں قصور وار قرار دے دیا گیا، دوران تفتیش ملزم اپنے جرم کا اعتراف کرچکا ہے۔
تفصیلات کے مطابق کراچی کی انسداددہشت گردی عدالت میں مصطفیٰ عامر قتل کیس کے ملزم ارمغان کے خلاف صحافی پر حملے کا کیس کی سماعت ہوئی۔
پولیس نے ملزم ارمغان کو صحافی پر حملے میں قصور وار قرار دے دیا، بہادر آباد پولیس نے ملزم کیخلاف مقدمہ کا عبوری چالان عدالت میں جمع کرادیا۔
چالان میں پراسیکیوشن کے 8 سے زائد گواہان کو بھی شامل کیا گیا ہے، عبوری چالان میں کہا گیا کہ 19 نومبر 2024 کو ملزم اپنی گاڑی میں سوارتھا، ملزم نےصحافی کوروکااورتلخ کلامی کی، تلخ کلامی کے بعد فائرنگ کرکے صحافی کو زخمی کیا اور فرارہوگیا۔
مزید پڑھیں : مصطفی عامر قتل کیس : ملزم ارمغان کی پولیس پر فائرنگ کرنے کی تصاویر اور ویڈیوز سامنے آگئیں
پولیس کا کہنا تھا کہ دوران تفتیش ملزم اپنے جرم کا اعتراف کرچکا ہے، ملزم ارمغان اعتراف کیا کہ اس نے صحافی کوجان سے مارنے کی نیت سےفائرنگ کی۔
مدعی مقدمہ نےملزم ارمغان کوشناخت بھی کیا ہے، جس کے بعد عدالت نے پولیس کی جانب سےجمع کرایا گیا عبوری چالان منظورکرلیا۔
عدالت نے کیس سماعت کیلئےانسداددہشت گردی کی خصوصی عدالت نمبر 15 کو منتقل کردیا۔
