کراچی: مصطفیٰ عامر قتل کیس میں ملزم ارمغان کیخلاف ایک اور مقدمہ درج کر لیا گیا۔ ایف آئی اے سائبر کرائم سرکل میں کال سینٹر چلانے کا مقدمہ درج کیا گیا ہے۔

مقدمہ متن کے مطابق ڈیفنس میں غیرقانونی کال سینٹر 2018 سے چلایا جا رہا تھا جس میں انٹرنیشنل آرگنائزڈ باڈیز کا نمائندہ بن کر صارفین سےحساس معلومات لی جاتی تھیں اور پھر غیرقانونی ٹرانزیکشن ملزم ارمغان کی ہدایت پر کی جاتی تھیں۔

متن میں کہا گیا کہ صارفین کی بینکنگ اور کریڈٹ کارڈز کی معلومات چرائی جاتی تھیں یہ معلومات ارمغان کے دئیے گئے آن لائن اکاؤنٹس اور کرپٹو کرنسی میں ٹرانسفر ہوتیں، رقم ارمغان کے 2 ملازم عبدالرحیم اور رحیم بخش ودیگر کے لوکل اکاؤنٹس  منتقل ہوتیں۔

ایف آئی اے کا کہنا ہے کہ اےوی سی سی کے دیے گئے 63لیپ ٹاپس کے فرانزک کرائےگئے جس میں بھی  ارمغان کی غیر قانونی سرگرمیوں کے ثبوت ملے ہیں۔