کراچی: سندھ حکومت نے پرائس لسٹ آویزاں نہ کرنے پر کراچی سمیت صوبہ بھر کے اسلحہ فروخت کرنے والے ڈیلرز کے خلاف کارروائی کا فیصلہ کر لیا ہے۔
اسسٹنٹ ڈائریکٹر بیورو آف سپلائی میر شاہنواز کے مطابق ڈیلرز اسلحہ اور بارودی مواد جس قیمت پر فروخت کریں، وہ لسٹ کنزیومر پروٹیکشن ایکٹ کے تحت آویزاں کرنا ضروری ہے۔
کنزیومر پروٹیکشن ایکٹ کے سیکشن 18 کے مطابق کوئی بھی چیز فروخت کی جائے تو اس کی قیمت لکھنا لازمی ہے، حکومتی احکامات پر عمل دآمد نہ کرنے پر محکمہ بیورو آف سپلائی پرائسز نے سندھ کنزیومر پروٹیکشن ایکٹ کے تحت عدالت میں شکایت جمع کرا دی ہے، ترجمان کا کہنا ہے کہ عدالت نے 13 مارچ کی تاریخ دی ہے۔
میر شاہنواز نے بتایا کہ یہ شکایت سندھ کنزیومر پروٹیکشن ایکٹ 2014 کے سیکشن 26 اور دیگر تمام متعلقہ دفعات کے تحت درج کرائی گئی ہے، صوبہ بھر کے اسلحہ فروخت کرنے والے ڈیلرز کو ایک ہی قیمت مقرر اور ریٹ لسٹ آویزاں کرنی پڑے گی۔
بڑی پابندی کا فیصلہ! موٹر سائیکل سواروں کے لئے اہم خبر
انھوں نے واضح کیا کہ حکومتی احکامات پر عمل درآمد نہ کرنے والوں کے خلاف قانونی کارروائی ہوگی اور دکانیں سیل کی جائیں گی۔
