راولپنڈی : بیلا روس کے صدر الیگزینڈر لوکاشینکو نے چیف آف آرمی اسٹاف جنرل سید عاصم منیر سے ملاقات کی ہے۔
پاک فوج کے شعبہ تعلقات عامہ آئی ایس پی آر کے مطابق الیگزینڈر لوکاشینکو نے آج اسلام آباد میں چیف آف آرمی اسٹاف جنرل سید عاصم منیر سے ملاقات کی۔
اس موقع پر دونوں شخصیات نے باہمی دلچسپی کے امور، دفاعی تعاون کے امکانات اور علاقائی سلامتی کی صورتحال پر تبادلہ خیال کیا۔
آئی ایس پی آر کے مطابق آرمی چیف نے عالمی اور علاقائی امور میں بیلا روس کے کردار کو سراہا، آرمی چیف نے باہمی تعاون اور دونوں ممالک کے تعلقات کو مزید وسعت دینے کے عزم کا اظہار کیا۔
بیلاروس کے صدر لوکاشینکو نے دہشت گردی کیخلاف جنگ میں مسلح افواج کی قربانیوں کا اعتراف کرتے ہوئے مسلح افواج کے اہم کردار کو سراہا۔
