The news is by your side.

کمانڈر امریکی سینٹ کام کی جنرل عاصم منیر کو آرمی چیف بننے پر مبارکباد

کمانڈر امریکی سینٹ جنرل ایرک کوریلا نے جنرل عاصم منیر کو آرمی چیف بننے پر مبارکباد دی ہے۔

امریکی سینٹ کام کے مطابق آرمی چیف جنرل عاصم منیر سے کمانڈر امریکی سینٹ کام جنرل ایرک کوریلا کی گفتگو ہوئی ہے۔

دونوں فوجی سربراہان نےدوطرفہ تعلقات کو مضبوط کرنےکا عزم دہرایا، گفتگومیں پاک امریکاسیکیورٹی تعاون کی کاوشوں پر تبادلہ خیال کیا۔

امریکی سینٹ کام کا کہنا ہے کہ دونوں فوجی افسران کے درمیان گفتگو ویڈیو ٹیلی کانفرنس میں ہوئی۔

قبل ازیں آرمی چیف جنرل عاصم منیر نے سعودی عرب اور یواے ای کے سفیروں سے الگ الگ ملاقات کی، جس میں دوطرفہ تعلقات اور باہمی دلچسپی کےامور پرتبادلہ خیال کیا گیا۔

پاک فوج کے شعبہ تعلقات عامہ آئی ایس پی آر کی جانب سے جاری بیان میں کہا گیا ہے کہ سعودی عرب کے سفیر نواف سعید اے الملکی اور متحدہ عرب امارات کےسفیر حمادعبید ابراہیم سالم الزابی نے جی ایچ کیو راولپنڈی کا دورہ کیا۔

Comments

یہ بھی پڑھیں