The news is by your side.

Advertisement

آرمی چیف جنرل راحیل شریف کا کوئٹہ ٹریننگ سینٹر کا دورہ

کوئٹہ: آرمی چیف جنرل راحیل شریف نے کوئٹہ پہنچ کردہشت گردی کا نشانہ بننے والے پولیس ٹریننگ سینٹر کا دورہ کیا،
جہاں آرمی چیف کو حملے کی تفصیلات سے آگاہ کیا گیا۔

آئی ایس پی آر کے مطابق آرمی چیف جنرل راحیل شریف اپنی تمام مصروفیات منسوخ کر کے کوئٹہ پہنچے اور  دہشت گردی کا نشانہ بننے والے پولیس ٹر یننگ سینٹر کا دورہ کیا، ڈی جی آئی ایس آئی اور ڈی جی ایم آئی بھی آرمی چیف کے ہمراہ موجود ہیں۔

آرمی چیف جنرل راحیل شریف نے پولیس افسروں سے ملاقات کی اور دہشتگردوں سے مقابلے میں حصہ لینے والے اہلکاروں سے بھی ملاقات کیں جبکہ افسران اور اہلکاروں کے جرات اور حوصلے کو سراہا۔

آئی ایس پی آر کے مطابق آرمی چیف کو سدرن کمانڈ کوئٹہ میں حملے سے متعلق بریفنگ دیں گے جبکہ آرمی چیف کوئٹہ میں زخمیوں کی عیادت کریں گے اور سیکیورٹی صورتحال کا جائزہ لیں گے۔

دوسری جانب وزیر اعظم نواز شریف نے بھی اپنی تمام مصروفیات منسوخ کردی ہے اور کچھ دیر میں کوئٹہ پہنچ جائیں گے۔

ذرائع کا کہنا ہے کہ وزیراعظم بلوچستان حکومت کے ساتھ رابطے میں ہیں اور ان کی جانب سے ہدایت کی گئی کہ انہیں تمام موجودہ صورتحال سے باخبر رکھا جائے۔


مزید پڑھیں : کوئٹہ پولیس ٹریننگ سینٹر پر حملہ،60 اہلکار شہید،3دہشت گرد ہلاک


یاد رہے کہ کوئٹہ میں سریاب روڈ پر قائم پولیس ٹریننگ سینٹر پرتین دہشت گردوں کے حملےمیں 60اہلکار شہید اور 118 سے زائد زخمی ہوئے جبکہ فورسزکی کارروائی میں3دہشت گرد بھی مارے گئے۔

Comments

comments

یہ بھی پڑھیں