اسلام آباد:وزیراعظم نواز شریف اورآ رمی چیف جنرل راحیل شریف کے درمیان ملاقات ہوئی.
تفصیلات کے مطابق وزیر اعظم ہاؤس میں وزیراعظم نواز شریف کی آرمی چیف جنرل راحیل شریف سے ملاقات ہوئی، کورکمانڈرکانفرنس کے بعد ہونے والی ملاقات میں داخلی سلامتی صورتحال پر تبادلہ خیال کیاگیا۔
ملاقات میں افغانستان میں سلامتی کی صورتحال اور پاکستان پر اس کے اثرات خاص طور پرزیر غور آئے ۔
اس سے قبل گزشتہ روز کورکمانڈرز کانفرنس ہوئی تھی، جس میں پاکستان کو درپیش بیرونی خطرات اورسیکیورٹی کے امور پر تفصیلی تبادلہ خیال کیا گیا، کور کمانڈرز کانفرنس میں افغانستان کی صورتحال بھی اجلاس میں زیر غورآئی، ترجمان کے مطابق کانفرنس کے دوران پاک افغان بارڈر پر قائم سیکیورٹی میکنزم کا بھی جائزہ لیا گیا۔
