راولپنڈی: آرمی چیف جنرل قمر جاوید باجوہ سے افغان سفیر نے ملاقات کی۔ ملاقات میں باہمی دلچسپی کے امور اور سیکیورٹی صورتحال پر تبادلہ خیال کیا گیا۔
پاک فوج کے شعبہ تعلقات عامہ آئی ایس پی آر کے مطابق افغان سفیر عمر ذخیلوال نے جی ایچ کیو کا دورہ کیا۔
اس موقع پر افغان سفیر نے آرمی چیف سے ملاقات بھی کی۔ ملاقات میں باہمی دلچسپی کے امور اور سیکیورٹی صورتحال پر تبادلہ خیال کیا گیا۔
مزید پڑھیں: پر امن افغانستان پاکستان کے مفاد میں ہے، آرمی چیف
آئی ایس پی آر کے مطابق ملاقات میں باہمی تعلقات کو بہتر بنانے کے لیے اقدامات بھی زیر غور آئے۔
