تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

آرمی چیف کا کشمیریوں کی جدوجہد حق خودارادیت اورعزم کو سلام پیش

راولپنڈی : آرمی چیف جنرل قمرجاوید باجوہ نے کشمیریوں کی جدوجہد حق خودارادیت اورعزم کو سلام پیش کرتے ہوئے کہا وقت آگیا ہے مقبوضہ کشمیر میں انسانی المیے کو حل کیا جائے۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر اپنے بیان میں کہا کہ یوم یکجہتی کشمیر کے موقع پر آرمی چیف جنرل قمرجاویدباجوہ نے کشمیر کے عوام کو بھرپور خراج تحسین پیش کیا۔

آرمی چیف نے کشمیریوں کی جدوجہد حق خودارادیت اورعزم کو سلام پیش کرتے ہوئے کہا مقبوضہ کشمیرمیں انسانی حقوق کی خلاف ورزی،لاک ڈاؤن جاری ہیں اور کشمیری عوام بھارتی جبروظلم کاجرات سے سامنا کررہےہیں۔

جنرل قمرجاویدباجوہ نے روز دیا کہ وقت آگیاہےاس انسانی المیےکوحل کیاجائے، وقت ہے کشمیریوں،یواین قراردادوں کےمطابق تنازع کشمیر حل کیا جائے۔

گذشتہ روز بھی آرمی چیف نے لاہور گریژن کے دورے کے دوران کہا تھا کہ کشمیر سمیت خطے کےعوام دیرپا امن کے مستحق ہیں، تنازع کشمیرکاحل کشمیریوں کی امنگوں کے مطابق ضروری ہے۔

جنرل قمر باجودہ کا کہنا تھا کہ ہائبرڈ جنگ کے چیلنجز میں مزیدچوکنا اور تیار رہنےکی ضرورت ہے۔

Comments

- Advertisement -