The news is by your side.

Advertisement

آرمی چیف جنرل راحیل شریف سے جرمن وزیر دفاع کی ملاقات

راولپنڈی : پاکستان کے دورے پر آئی ہوئی جرمنی کی وزیر دفاع ڈاکٹر ارسلا وان ڈیر لین نے آرمی ہیڈ کوارٹر ( جی ایچ کیو ) راولپنڈی کا دورہ کیا اور پاک فوج کے سربراہ جنرل راحیل شریف سے تفصیلی ملاقات کی ۔

 آئی ایس پی آر کے ایک ترجمان کے مطابق اس ملاقات کے دوران دونوں ممالک کے مابین موجودہ دفاعی اور فوجی تعاون سمیت خطے کی سکیورٹی کی سورتحال اور جیو سٹریٹجک ماحول پر تفصیلی بات چیت کی گئی ۔

 جرمن وزیر دفاع ڈاکٹر ارسلا وان ڈیر لین نے اس موقع پر آپریشن ضرب عضب میں پاک فوج کی کامیابیوں کو سراہا اور آپریشن ضرب عضب میں دہشت گردی اور انتہا پسندی کے خاتمے کیلئے سکیورٹی فورسز کی قربانیوں کی بھی اعتراف کیا ۔

 قبل ازیں جی ایچ کیو آمد پر انہوں نے یاد گار شہداء پر حاضری دی اور پھولوں کی چادر چڑھائی ، جس کے بعد پاک فوج کے چاک و چوبند دستے نے انہیں سلامی دی۔

Print Friendly, PDF & Email

Comments

comments

یہ بھی پڑھیں