site
stats
پاکستان

شرپسندوں کو فوری گرفتار کیا جائے،آرمی چیف، ڈی جی رینجرز کو فون

کراچی: آرمی چیف جنرل راحیل شریف نے ڈی جی رینجرز سندھ میجر جنرل بلال اکبر کو فون کیا اور انہیں ہدایت دی کہ میڈیا ہائوسز پر ملوث شرپسندوں کو فوری گرفتار کیا جائے۔


ARY Attack: COAS orders immediate arrest of… by arynews

آرمی چیف نے کہا کہ کراچی میں امن و امان کی صورتحال ہر صورت بحال رکھی جائے اس کے لیے اقدامات کیے جائیں۔ جواب میں ڈی جی رینجرز میجر جنرل بلال اکبر نے آرمی چیف کو بریفنگ میں کہا کہ صورتحال کنٹرول میں ہے۔

قبل ازیں ڈی جی رینجرز سندھ حملہ آوروں کے خلاف سخت کارروائی کا اعلان کردیا اور کہا کہ شہر کا امن خراب کرنے کی کسی کو اجازت نہیں دیں گے، حملہ کرنے والوں کو ایک ایک سیکنڈ کا حساب دینا ہوگا، جن لوگوں نے ٹی وی چینلز پرحملے کا حکم دیا انہیں بھی حساب دینا ہوگا۔

انہوں نے مزید کہا کہ لا قانونیت کے ذمہ داروں کو کیفرکردار تک پہنچایا جائے گا، شہری کی سیکیوریٹی یقینی بنائی جائے گی، قانون ہاتھ میں لینے والوں کو ہرگز معاف نہیں کریں گے، آج پیدا ہونے والی صورتحال کا بغور جائزہ لے رہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top