راولپنڈی : پاکستان کے لئے امریکہ کے نمائندہ خصوصی رچرڈ اولسن نے آرمی چیف جنرل راحیل شریف سے ملاقات کی۔
آئی ایس پی آر ترجمان کے بیان کے مطابق راولپنڈی میں آرمی چیف جنرل راحیل شریف اور امریکی خصوصی ایلچی رچرڈ اولسن کی ملاقات میں سیکیورٹی صورتحال اور افغانستان میں امن کے حوالے سے تبادلہ خیال کیا۔
ملاقات میں امریکی نمائندہ خصوصی رچرڈاولسن نےدہشت گردی کیخلاف پاکستانی اقدامات کی تعریف کی۔
انہوں نے کہا کہ دہشت گردی کیخلاف پاکستانی اقدامات قابل تعریف ہیں۔ رچرڈ اولسن نے دہشت گردی کے خاتمے کے لئے پاکستان کی عوام اور پاک فوج کی قربانیوں کو سراہا۔
