The news is by your side.

Advertisement

مردم شماری کے لیے تمام وسائل فراہم کریں گے، آرمی چیف

ملتان : آرمی چیف جنرل قمرجاوید باجوہ نے کہا ہے کہ پاک فوج کی جانب سے مردم شماری کے لیے تمام وسائل فراہم کیے جائیں گے اور اس حوالے ہر ممکن تعاون کیا جائے گا۔

آئی ایس پی آر کے مطابق یہ بات انہوں نے ملتان گیریژن کا دورے کے دوران کہی آرمی چیف نے کہا کہ مردم شماری کے سلسلے میں پاک فوج اپنا کردار بھرپور انداز سے ادا کرے گی۔

آئی ایس پی آر کے ترجمان کا کہنا ہے کہ آرمی چیف نے آج ملتان گیریژن کے دورے کے موقع پر مظفر گڑھ فیلڈ میں تربیتی جنگی مشقوں کاجائزہ لیا اور جوانوں کی پیشہ ورانہ صلاحیتوں کوسراہتے ہوئے ان کے بلند حوصلوں کی تعریف کی۔

آرمی چیف نے کہا کہ پاک فوج جنگی صلاحیتوں کےاعتبارمیں کسی سےکم نہیں اور آپریشن ردالفساد کے ذریعے تمام فسادیوں کوختم کر کے ملک میں معمولات زندگی کو بحال کو کریں گے اور ملکی تشخص کا احیاء کریں گے۔

قبل ازیں آرمی چیف کومردم شماری سےمتعلق پاک فوج کےسپورٹ پلان پر بریفنگ دی گئی جس کے دوران آرمی چیف کا کہنا تھا کہ پاک فوج مردم شماری کےانعقاد کے لیے بھر پور تعاون کرے گی اور مردم شماری کے لیےتمام وسائل فراہم کیےجائیں گے۔

اس موقع پر کورکمانڈرملتان لیفٹننٹ جنرل سرفرازستار اور آئی جی ٹریننگ لیفٹیننٹ جنرل ہدایت الرحمان بھی آرمی چیف جنرل قمر باجوہ کے ہمراہ موجود تھے۔

Print Friendly, PDF & Email

Comments

comments

یہ بھی پڑھیں