The news is by your side.

Advertisement

آرمی چیف کا لائن آف کنٹرول چکوٹھی سیکٹر کا دورہ

راولپنڈی: آرمی چیف جنرل قمر جاوید باجوہ نے لائن آف کنٹول پر چکوٹھی سیکٹر کا دورہ کیا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے لائن آف کنٹرول (ایل اوسی) کے اطراف کے علاقوں کا دورہ کیا ہے، ایل او سی پہنچنے پر لیفٹیننٹ جنرل ساحر شمشاد مرزا نے آرمی چیف کا استقبال کیا۔

دورے کے دوران آرمی چیف کو ایل او سی کی صورتحال اور فارمیشن کی آپریشنل تیاریوں پر بریفنگ دی گئی، انہوں نے جنگی تیاریوں اور جوانوں کے بلند حوصلے کی تعریف کی۔

آئی ایس پی آر کے مطابق آرمی چیف نے چکوٹھی سیکٹر میں تعینات فوجیوں سے بات چیت کی، انہوں نے ایل اوسی پر تعینات جوانوں کیساتھ وقت بھی گزارا۔

Comments

یہ بھی پڑھیں