لبنان : ٹی وی پر ٹاک شو کے دوران صحافی اور سابق وزیر الجھ پڑے، دونوں معزز شخصیات کی لڑائی کی ویڈیو وائرل ہوگئی۔
تفصیلات کے مطابق ٹی وی چینلوں پر سیاسی ’معززین‘ کے درمیان تلخ کلامی براہ راست جھگڑے میں تبدیل ہونے کے واقعات اب معمول بنتے جا رہے ہیں۔
ایسا ہی ایک واقعہ لبنان میں سابق وزیر اور ایک سینیئر صحافی ٹی وی پروگرام میں گفتگو کے دوران آپس میں الجھ پڑے۔
ٹی وی چینل پر پروگرام میں سابق وزیر اور صحافی کےدرمیان صدر کے انتخاب کے حوالے سے رکاوٹوں پر ہونے والی تکرار براہ راست لڑائی میں تبدیل ہوگئی۔
سابق وزیر وہاب نے صحافی ابو الفاضل کے چہرے پر پانی کا گلاس پھینک دیا، جس سے صورتحال مزید بگڑ گئی، سابق وزیر وئام وھاب کی جانب سے گلاس پھینکے جانے پر دونوں معزز شخصیات آپس میں گتھم گتھا ہوگئیں۔
اس صورتحال میں اسٹوڈیو میدان جنگ کا منظر پیش کرنے لگا تاہم بڑی مشکل سے بیچ بچاؤ کرایا گیا، صحافی ابو فاضل وکیل اور سیاسی تجزیہ کار جوزف ابو فاضل کے بھائی ہیں اور وہ جھگڑے کے نتیجے میں معمولی زخمی ہوئے۔
