اسلام آباد: پاک فوج کے پائلٹس نے بالتورو گلیشیئر پر پھنسے 2 غیر ملکی کوہ پیماؤں کو ریسکیو کرلیا۔
پاک فوج کے شعبہ تعلقات عامہ آئی ایس پی آر کے مطابق پاک فوج نے بالتورو گلیشیئر پر ریسکیو آپریشن کیا اور 2 غیر ملکی کوہ پیماؤں کو ریسکیو کرلیا۔
آئی ایس پی آر کا کہنا ہے کہ کوہ پیماؤں میں ایک امریکی اور ایک فن لینڈ کی شہری شامل ہے۔
چند روز قبل نانگا پربت میں پھنسی فرانسیسی کوہ پیما کو ریسکیو کرنے کے کارنامے پر پاک فوج کے پائلٹس کو فرنچ میڈلز سے بھی نوازا گیا تھا۔
میڈلز دینے کی تقریب آرمی میوزیم میں ہوئی جس میں چیف آف جنرل اسٹاف لیفٹیننٹ جنرل ساحر شمشاد سمیت دیگر فوجی حکام نے شرکت کی۔ فرنچ جوائنٹ فورس بحر ہند کے کمانڈر نے پائلٹس کو فرنچ نیشنل ڈیفنس برانز میڈل سےنوازا۔
پاک فوج کے پائلٹس نے فرنچ کوہ پیما مس الزبتھ کو 2018 میں نانگا پربت میں سخت ترین موسمی حالات میں ریسکیو کیا تھا۔
