امریکا میں مقیم پاکستانی نژاد گلوکارہ عروج آفتاب کے گانے کو معروف آن لائن میگزین نے بہترین ٹریک قرار دیا ہے۔
بین الاقوامی ویب سائٹ کے مطابق موسیقی کے معروف آن لائن میگزین پچ فورک نے پاکستانی گلوکارہ عروج آفتاب کے گیت محبت کو بہترین نیا ٹریک قرار دیا ہے۔
36 سالہ عروج آفتاب نے سنہ 2018 سے شہرت حاصل کرنا شروع کی جب امریکا کے نیشنل پبلک ریڈیو نے ان کے گیت کو اکیسویں صدی میں خواتین کے عظیم ترین گیتوں میں سے ایک قرار دیا تھا۔
- Advertisement -
نیویارک ٹائمز نے ان کے ایک اور گانے کو سال کے 25 بہترین کلاسیکل میوزک ٹریکس میں سے ایک قرار دیا۔
عروج پاکستان میں پیدا ہوئیں لیکن اب وہ بروکلین میں رہتی ہیں، وہ مغربی موسیقی کے ساتھ ساتھ ریشماں اور عابدہ پروین سمیت کئی ممالک کی موسیقی سے متاثر ہیں۔
