وادی گلوان میں چینی اور بھارتی فوجیوں کے درمیان جھڑپ کے بعد بھارتی فوجیوں کے ساتھ کیا ہوا، اس کی ایک عبرت ناک ویڈیو سوشل میڈیا پر وائرل ہوئی ہے۔
یہ ویڈیو ایک چینی صحافی نے ٹوئٹر پر شیئر کی تھی، جس میں چینی فوجیوں کو بھارتی سپاہیوں کو پکڑ کر لے جاتے ہوئے دیکھا جا سکتا ہے۔
ویڈیو کے مطابق چینی فورسز بھارتی فوجیوں کو آنکھوں پر پٹییاں باندھے کہیں لے کر جا رہے ہیں، چینی صحافی کا کہنا تھا کہ یہ ویڈیو پچھلے سال وادی گلوان میں انڈین اور چینی افواج کے درمیان جھڑپوں کے بعد کی ہو سکتی ہے۔
Now a video of injured Indian soldiers captured by Chinese PLA emerged on social media.#GalwanValley last year?
At that time, Indian soldiers violated the reached consensus and launched provocative attacks against Chinese personnel, leading to serious physical conflicts. pic.twitter.com/FZN6Bz9OoP
— Shen Shiwei沈诗伟 (@shen_shiwei) October 14, 2021
یاد رہے کہ گزشتہ برس جون میں وادی گلوان میں بھارت اور چین کے فوجیوں کے درمیان جھڑپوں میں انڈیا کے 20 اور چین کے کم از کم 4 فوجی ہلاک ہوئے تھے۔
جھڑپوں کے دوران چینی افواج نے بھارتی کنٹرول کے کئی علاقوں پر قبضہ کیا تھا، ان میں گلوان وادی، ہاٹ سپرنگ اور ڈیسپانگ جیسے مقامات شامل تھے۔
Unlike the bollywood movies; screengrab from a newly leaked video shows PLA providing humanitarian aid/shoulder carry provided to surrendered/captured #IndianArmy in #GalwanValley. pic.twitter.com/iyqlkc3j5s
— Pakistan Defence (@Defence__Pak) October 14, 2021
دوسری طرف ایک ٹویٹ میں ’پاکستان ڈیفنس‘ نامی اکاؤنٹ میں لکھا گیا ہے کہ یہ ویڈیو دیکھ کر پتا چلتا ہے کہ چین کی پیپلز لبریشن آرمی پکڑے گئے انڈین فوجیوں کو انسانی ہمدردی کی بنیاد پر مدد فراہم کر رہی ہے۔
دل چسپ بات یہ ہے کہ بھارتی انٹرنیٹ صارفین نے یہ ویڈیو دیکھنے کے بعد خفت مٹانے کے لیے حسب سابق فیک نیوز اور جعلی تصاویر شیئر کرنے کا سلسلہ شروع کر دیا ہے۔
ٹوئٹر پر اس سلسلے میں ایک تصویر وائرل کی گئی ہے، جس میں بھارتی فوجی چینی فوجیوں کو گرفتار کر رہے ہیں، تاہم انڈین فیکٹ چیکنگ ویب سائٹ ’آلٹ نیوز‘ کے مطابق یہ تصویر دراصل ایک انڈین ڈرامے ’گلوان ویلی‘ سے لی گئی ہے۔
