اسلام آباد : ترجمان اسلام آباد پولیس کا کہنا ہے کہ سوشل میڈیا پر منظم پروپیگنڈا مہم چلائی جارہی ہے، پولیس نے کسی 10 سال کے کم عمر بچے کو گرفتار نہیں کیا۔

تفصیلات کے مطابق اسلام آباد پولیس کے ترجمان نے پی ٹی آئی رہنماؤں کے گھروں پر چھاپے کے حوالے سے بیانات پر کہا ہے کہ اسلام آباد پولیس اور دیگرقانون نافذ کرنے والے اداروں کیخلاف مہم چلائی جارہی ہے۔

ترجمان کا کہنا تھا کہ سوشل میڈیا پر منظم پروپیگنڈامہم چلائی جارہی ہے، اسلام آباد پولیس نے کسی 10 سال کے کم عمر بچے کو گرفتار نہیں کیا۔

اسلام آباد پولیس نے کہا کہ پولیس افسران کو ان کے قانونی فرائض سے روکنے کیلئے نفرت انگیز پروپیگنڈا کیا جا رہا ہے، پولیس اپنے فرائض قانون کے دائرے میں رہ کر انجام دے رہی ہے۔

ترجمان کے مطابق قانون سب کے لیے برابرہے ، والدین اپنے کم عمربچوں کو ممکنہ ہجوم سے دور رکھیں۔