کولکتہ: بھارتی ریاست کولکتہ کی عدالت نے فاسٹ بولر محمد شامی کے وارنٹ گرفتاری جاری کردئیے۔
بھارتی میڈیا رپورٹس کے مطابق مغربی بنگال میں علی پور کی عدالت نے محمد شامی اور ان کے بھائی کے وارنٹ گرفتاری جاری کیے ہیں، محمد شامی اور ان کے اہل خانہ پر اہلیہ کو تشدد کا نشانہ بنانے کا الزام ہے۔
عدالت نے بھارتی فاسٹ بولر محمد شامی کو 15 دن کے اندر گرفتاری دینے کا حکم دیا ہے۔
یاد رہے کہ محمد شامی کی پر ان کی اہلیہ حسین جہاں نے غیرازدواجی تعلقات قائم کرنے، تشدد کرنے اور میچ فکسنگ کا الزام لگایا گیا تھا۔
محمد شامی اور ان کے بھائی کے خلاف آئی پی سیکشن 498 اے کے خلاف مقدمہ درج کیا گیا تھا۔
مزید پڑھیں: بھارتی فاسٹ بولر کی اہلیہ بدامنی پھیلانے کے الزام میں گرفتار
واضح رہے کہ محمد شامی 70 ون ڈے میچز میں بھارت کی نمائندگی کرچکے ہیں اور انہوں نے 150 وکٹیں حاصل کی ہیں، شامی نے 42 ٹیسٹ میچ بھی کھیلے ہیں۔
محمد شامی کا اپنے ٹی وی انٹرویو میں کہنا تھا کہ اہلیہ کے الزامات کا ان کی کارکردگی پر کوئی اثر نہیں پڑے گا وہ اپنی بولنگ پر توجہ دے رہے ہیں۔
یاد رہے کہ کرکٹر محمد شامی اور ان کی اہلیہ حسین جہاں کے درمیان تنازع شدت اختیار کرگیا تھا، امروہا پولیس نے شامی کی اہلیہ کو بدامنی پھیلانے کے الزام میں گرفتار کرکے مقدمہ درج کرلیا تھا بعدازاں انہیں ضمانت پر رہا کردیا گیا تھا۔
