مریم نواز کی عدالت پیشی کے دوران کار سرکار میں مداخلت کے مقدمے میں عدالت نے کیپٹن (ر) صفدر کے 25 نومبر کیلیے قابل ضمانت وارنٹ گرفتاری جاری کردیے۔
اے آر وائی نیوز کے مطابق لاہور کی ضلع کچہری میں جوڈیشل مجسٹریٹ بلال منیر وڑائچ نے کیس کی سماعت کی، اس موقع پر کیپٹن (ر) صفدر کی طرف سے ان کے وکیل خاور محبوب ملک ایڈووکیٹ پیش ہوئے۔
عدالت نے 25 نومبر کیلیے قابل ضمانت وارنٹ گرفتاری جاری کرتے ہوئے کیپٹن (ر) صفدر اور جہانزیب اعوان کو فرد جرم کی کارروائی کیلیے طلب کرلیا ہے۔
واضح رہے کہ مذکورہ مقدمے میں اسلام پورہ پولیس نے ملزمان کیخلاف تفتیش مکمل کرکے چالان پیش کر رکھا ہے، ملزمان پر احتساب عدالت میں مریم نواز کی پیشی کے دوران پولیس پر تشدد کا الزام ہے۔
