The news is by your side.

Advertisement

اسلام آباد،زیر حراست ملزم پولیس اہلکار کو زخمی کر کے فرار

اسلام آباد : زیر حراست ملزم پولیس اہلکار کو اسی کی پستول سے زخمی کرکے فرار ہو گیا،ملزم کی گرفتاری کے لیے چھاپے مارے جا رہے ہیں۔

تفصیلات کے مطابق اسلام آباد میں زیر حراست ملزم کو پولیس اہلکار مقدمے کی سماعت کے لیے لے کر جارہا تھا کہ میلوڈی چوک پر زیر حراست ملزم نے اے ایس آئی کی چھین کر اُس پر فائرنگ کر کے زخمی کر دیا اور خود فرار ہو گیا۔

اسی سے متعلق : ملزمان کا پولیس پر حملہ، گرفتار ساتھی کو چھڑا لیا، ایک اہلکار جاں بحق

زیر حراست ملزم کو چوری کے الزام میں گرفتار کیا گیا تھا اور اسی مقدمے میں سماعت کے لیے لے جایا جا رہا تھا کہ ملزم نے ساتھ موجود اے ایس آئی کو فائرنگ کرکے زخمی کیا اور فرار ہو گیا۔

واضح رہے اسی طرح کا واقعہ گزشتہ روز کراچی میں بھی پیش آیا تھا جہاں دو زیر حراست ملزمان نے پیشی کے لیے جانے کے دوران پولیس اہلکاروں کو ہلاک کر کے خود فراف ہو گئے تھے۔

ان دونوں واقعات سے یہ بات ثابت ہو جاتی کہ پولیس کے پاس ملزمان کی نقل و حمل کے خاطرخواہ انتظامات نہیں ہیں جس کا فائدہ اُٹھاتے ہوئے خطرناک ترین ملزمان باآسانی فرار ہو جاتے ہیں۔

Comments

comments

یہ بھی پڑھیں