لاہور : گرفتار پی ٹی آئی رہنما میاں عباد فاروق کے بیٹے کو سپرد خاک کر دیا گیا، بیٹے کی نماز جنازہ اور تدفین میں شرکت کے لئے میاں عباد فاروق کو پولیس سیکیورٹی میں لایا گیا۔
تفصیلات کے مطابق لاہور میں پی ٹی آئی کے گرفتار رہنما میاں عباد فاروق کے بیٹے کو سپردخاک کر دیا گیا، منشی اسپتال قبرستان میں تدفین کی گئی۔
میاں عباد فاروق کو بیٹے کی نماز جنازہ اور تدفین میں شرکت کے لئے پولیس سکیورٹی میں لایا گیا، نماز جنازہ میں شہریوں کی بڑی تعداد شریک ہوئی۔
بھائی عباد فاروق کا بتانا ہے کہ 9 سال کا بیٹا والد کی گرفتاری پر ذہنی مرض میں مبتلا ہوگیا تھا اور والد کی یاد میں روتا رہتا تھا۔
یاد رہے پی ٹی آئی کے ٹکٹ ہولڈرعبادفاروق 9 مئی کے مختلف کیس میں گرفتار ہیں۔
