کوئٹہ : گرفتار کمانڈر نصراللہ کے کالعدم ٹی ٹی پی سے متعلق سنسنی خیز انکشافات سامنے آگئے ، جس میں بتایا کہ کالعدم ٹی ٹی پی کو پیسہ کہاں سے ملتا ہے؟
تفصیلات کے مطابق گرفتار دہشتگرد نصراللہ نے ویڈیو بیان میں پاک افغان بارڈر پر پاک فوج کی چوکیوں پر حملوں کا اعتراف کرتے ہوئے بتایا کہ آپریشن ضرب عضب کےدوران افغانستان فرارہوگیا تھا۔
نصراللہ کا کہنا تھا کہ بیت اللہ محسود کے پلیٹ فارم سے تخریبی کارروائیوں میں حصہ لیتا تھا، وزیرستان، ڈی آئی خان میں بھی تخریبی کارروائیاں کیں گرفتاری کےوقت کالعدم ٹی ٹی پی کے دفاعی کمیشن کےسربراہ کےطورپر کام کررہا تھا۔
گرفتار کمانڈر نے انکشاف کیا ان سب دہشت گرد کارروائیوں کے پیچھے بھارتی ایجنسی را کا ہاتھ تھا، بھارتی ایجنسی’’را‘‘کی خواہش ہے کالعدم بی ایل اے اور کالعدم ٹی ٹی پی کا اتحاد ہو۔
دہشت گرد نے بتایا کہ کالعدم ٹی ٹی پی کو تمام پیسہ راسے آتا ہے اور ان کے تمام کمانڈرافغانستان میں کھلےعام گھوم رہےہیں جبکہ بہت سے گمشدہ لوگ افغانستان میں موجود ہیں۔
ان کا کہنا تھا کہ نورولی کی کابل میں بھارتی ایجنٹوں سے ملاقاتیں ہوئی ہیں، بشیر زیب اور نور ولی افغانستان میں آزادگھومتے ہیں، نورولی دوسروں کے بچوں کو دہشتگردی کیلئے استعمال کرتا ہے لیکن اپنے 9بچوں کو دہشت گردی کیلئے استعمال نہیں کرتا۔
نصراللہ نے مزید بتایا کہ نورولی کابل میں بی ایل اے کمانڈر بشیر زیب سے بھارتی سفارتخانے میں ملتاہے، کالعدم بی ایل اے،کالعدم ٹی ٹی پی کاہدف پاک چین دوستی اورسی پیک کو نقصان پہنچانا ہے۔
گرفتار دہشت گرد کا کہنا تھا کہ مولوی نورولی محسود سمیت کالعدم ٹی ٹی پی کی تمام قیادت افغانستان میں موجود ہے۔
