اسلام آباد : عید الاضحیٰ کے دوسرے روز آرمی چیف جنرل قمر باجوہ اہلیہ کے ہمراہ ہری پور کے قریب کیپٹن باسط شہید کے اہل خانہ سے ملاقات کے لیے پہنچ گئے۔
پاک فوج کے شعبہ تعلقات عامہ (آئی ایس پی آر) کے مطابق پاکستان بّری افواج کے سربراہ آرمی چیف جنرل قمر جاوید باجوہ کی اہلیہ کے ہمراہ عید کے دوسرے روز وطن عزیز پر جان قربان کرنے والے کیپٹن باسط علی کے گھر آمد ہوئی، آرمی چیف نے شہید کیپٹن کے بلندی درجات کےلیے فاتحہ خوانی۔
آرمی چیف نے کیپٹن باسط کے اہل خانہ سے بات چیف بھی، اس موقع پر ان کا کہنا تھا کہ وطن کے دفاع کےلیے جان سے بڑھ کر کوئی قربانی نہیں ہوسکتی، پوری قوم کو وطن کےلیے قربانیاں دینے والے قومی ہیروز پر فخر ہے۔
جنرل قمر جاوید باجوہ نے کہا کہ مسلح افواج پاکستان کے دشمنوں کی سازشوں کو ناکام بنائے گی۔
خیال رہے کہ 14 جولائی کو کیپٹن باسط علی نے شمالی وزیرستان میں ملک دشمنان دہشت گردوں سے لڑتے ہوئے جام شہادت نوش کیا تھا۔
شہید عبدالباسط ریٹائرڈ سکول ٹیچر بشارت خان تنولی کے بیٹے ہیں، نماز جنازہ آبائی گاوں میں ادا کرنے کے بعد آپ کو مکمل فوجی اعزاز کے ساتھ سپرد خاک کیا گیا تھا۔
