کراچی : نوجوان ارسلان محسود قتل کیس میں عینی شاہدین نے ملزمان کوشناخت کر لیا ، ملزمان میں سابق ایس ایچ او اعظم گوپانگ ،توحید اور عمیر بھی شامل ہیں۔
تفصیلات کے مطابق کراچی کے علاقے اورنگی میں نوجوان ارسلان کی مبینہ پولیس مقابلےمیں موت کے کیس میں ملزمان کی شناختی پریڈ مکمل کرلی گئی۔
عدالت میں عینی شاہدین نے ملزمان کوشناخت کر لیا ، وکیل قادرمندوخیل نے بتایا ملزمان میں سابق ایس ایچ او اعظم گوپانگ ،توحید اور عمیر بھی شامل ہیں ، تین گواہان نے ملزمان کوشناخت کیا۔
وکیل قادرمندوخیل کا کہنا تھا کہ پیپلز پارٹی کی پوری قیادت متاثرہ خاندن کےساتھ ہے، ملزمان کو دیگر11افراد کے درمیان کھڑا کیا گیا تھا، عینی شاہدین نےدیگرافراد کی موجودگی میں ملزمان کو شناخت کیا۔
وکیل کا مزید کہنا تھا کہ تیسرا ملزم پولیس کا ملازم نہیں بلکہ دہشت گرد ہے، پولیس افسران کیس خراب کرنے کی کوشش نہ کریں۔
والد مقتول نوجوان ارسلان نے مطالبہ کیا کہ ملزمان کو پھانسی دی جائے ، ثابت ہو گیا ملزمان نے سفاکانہ قتل کیا۔
