پاکستان کے معروف ایتھلیٹ اور اولمپیئن ارشد ندیم اپنے گھٹنے کی سرجری کے لیے برطانیہ روانہ ہوگئے ہیں۔
جیولین تھروور گزشتہ برس سے گھٹنے کی تکلیف کا شکار ہیں، وہ انجری کے باعث ایشین گیمز کے دوران مقابلے سے دستبردار ہوگئے تھے۔ ایتھلیٹ پُرامید ہیں کہ سرجری کے بعد جلد ایکشن میں نظر آئیں گے۔
ارشد ندیم نے کہا کہ پہلے کی طرح پھر سے بھرپور ایکشن میں آنا میرا ہدف ہے، مداحوں سے دعا کی اپیل ہے۔
- Advertisement -
پاکستان کے معروف ایتھیلٹ کا کہنا تھا کہ پیرس اولمپکس سے قبل دو تین مقابلوں میں حصہ لینا چاہتا ہوں۔
واضح رہے کہ بڈاپیسٹ میں ہونے والے عالمی ایتھلیٹکس چیمپئن شپ کے جیولن تھرو فائنل میں پاکستان کے ارشد ندیم نے سلورمیڈل جیتا تھا۔
