پاکستان کے اولمپک گولڈ میڈلسٹ جیویلن کھلاڑی ارشد ندیم کا کہنا ہے کہ 2025ء میں بڑے ایونٹس آ رہے ہیں ان میں شریک ہوں گا۔

ارشد ندیم کا ایک بیان میں کہنا تھا کہ 2024ء میرے لیے اور پورے پاکستان کے لیے بہت اچھا رہا، 2025ء میں اپنی بہترین تھرو کرنے کا ٹارگٹ ہے۔

اُن کا کہنا تھا کہ ورلڈ ایتھلیٹکس چیمپئن شپ میں اپنی بہترین تھرو کی تو گولڈ میڈل حاصل کرنے میں کامیاب ہوجاؤں گا۔

اولمپک گولڈمیڈلسٹ نے کہا کہ کامن ویلتھ گیمز اور پیرس اولمپکس میں بھی اپنی بہترین تھرو کے باعث ریکارڈز بنائے۔ اولمپکس 2028ء میں اپنے اعزاز کا دفاع اور ورلڈ ریکارڈ کی خواہش ہے۔

ارشد ندیم کا بڑا شکوہ!

واضح رہے کہ رواں سال پیرس اولمپکس 2024ء میں 40 سال بعد ارشد ندیم نے پاکستان کو گولڈ میڈل جتوکر ملک کا نام روشن کیا تھا۔